Debati një palestër e mendjes!

Nga data 19 deri më 21 nëntor, Junior Achievement of Albania organizoi Kampin e parë të Debatit, në kuadër të programit “Debating Economics”. Studentë nga 12 universitete në Shqipëri dhe JAA Alumni u mblodhën në Korçë dhe kaluan tre ditë duke vënë në punë mendjen nëpërmjet argumenteve dhe mendimit kritik.

3 ditë plot me debate, të rinjtë ndanë përvojat me njëri-tjetrin, duke pasuruar aftësitë e tyre në lidhje me debatin dhe si t'i përdorin më së miri këto aftësi në favor të tyre drejt punësimit. Pjesë e Kampit të Debatit ishin edhe debatues "Old & Gold", si Marjus Ceveli, Endrit Yzeiraj dhe Blerina Guga, të cilët dhanë këshilla dhe truke të mahnitshme mbi debatin dhe të debatuarit dhe ndanë përvojat e tyre të jetës me pjesëmarrësit e rinj.

Përveç rritjes së kapaciteteve, përfshihej edhe argëtimi, sepse Shpirti i JAA Alumni është gjithmonë i fortë dhe i pranishëm. Aty ku ka JAA Alumni S ka atmosferë pozitive dhe energji të mirë që rrjedh.