Mbyllëm me sukses një kapitull shumë të rëndësishëm për 17 Kompani të reja Nxënësish në Panairin Rajonal Gjirokastër | Kompania e Nxënësve 2022!Rreth 90 nxënës nga gjimnaze të qyteteve: Sarandë, Gjirokastër, Tepelenë, Memaliaj, Fier, Kuçovë, Kavajë e Durrës, ishin pjesë e kësaj dite të vecantë ku treguan për klientët e tyre produktet dhe shërbimet që Kompanitë e tyre të Nxenësve kanë krijuar përgjatë këtij viti.

Në kuadër të programit Kompania e Nxënësve në bashkëpunim me AADF dhe Bashkinë e Gjirokastrës, Junior Achievement zhvilloi Panairin e Parë Rajonal për 2022, në Gjirokastër më 29 Prill 2022.

Ky Panair u mundësoi nxënësve krijimin e një hapësire ku arritën të reklamojnë/shesin produktet e tyre dhe të prezantojnë idetë e tyre të sipërmarrjes tek komuniteti, biznese e media lokale.

Falenderojmë për bashkëpunimin Bashkinë Gjirokastër dhe TID Gjirokastra të cilët vunë në dispozicion të nxënësve tanë, hapësirën publike për t'i afruar kështu stendat e cdo kompanie më afër me klientët e tyre.Gjithashtu falenderojmë Shoqatën MKEZH për mbështetjen e ofruar ndaj “Kompanisë së Nxënësve”, në kuadër të Projektit “Të lidhim edukimin, aftësitë dhe potencialet rajonale me praktikat rajonale të punësimit të të rinjve”–BY LEAP”.

Shihemi së shpejti në një tjetër Panair Rajonal!