“Qyteti Ynë” njeh nxënësit me qytetin si një vend ku njerëzit jetojnë, punojnë, luajnë dhe mësojnë. Ata bëhen të vetëdijshëm për rëndësinë e planifikimit qytetar për zhvillimin ekonomik të një qyteti. Nxënësit shqyrtojnë rolin e ndërtuesit dhe bëhen të vetëdijshëm për lidhjen e domosdoshme të ndërtuesit me atë të projektuesit të qytetit (urbanist). Ata eksplorojnë rolin e drejtuesit të një restauranti dhe punojnë në grup për të marrë vendime për funksionimin e tij. Përmes diskutimeve ata aftësohen të dallojnë ndryshimin ndërmjet konsumatorit dhe prodhuesit, shqyrtojnë qëllimin e një gazete si mjet komunikimi për njerëzit e një qyteti, mësojnë për rolin e gazetarit dhe krijojnë vetë tituj artikujsh dhe shkrime për një gazetë klase. Përmes një loje me role fëmijët realizojnë veprime të thjeshta financiare, duke u bërë të vetëdijshëm për rëndësinë e bankave për jetën e një qytet. Nëpërmjet këtij moduli mësuesit orientohen si të punojnë me nxënësit rreth bizneseve te qytetit.