Programi i JA “Kompanitë e Nxënësve” shtrihet në 36 orë mësimore përgjatë vitit arsimor dhe i ndihmon të rinjtë të vlerësojnë e kuptojnë më së miri rolin e biznesit në shoqërinë dhe kontekstin lokal. Gjatë procesit mësimor nxënësit bëhen pjesë e një shoqërie biznesi të krijuar nga ata vetë në klasë.

Në këtë mënyrë ata jo vetëm që mësojnë se si funksionon një sipërmarrje/shoqëri, por në të njëjtën kohë mësojnë sistemin, strukturën, funksionimin dhe veprimtarinë e saj. Ky program kulmon me pjesëmarrjen e shoqërive më të mira të vitit në konkursin kombëtar “Panairi Kombëtar i Kompanive të Nxënësve” që organizohet nga JAA.

Përveç punës të shkëlqyer që bëjnë mësuesit në orën e mësimit dhe trajnimeve që ofron JA of Albania, mbështetja nga vullnetarët e biznesit për kompanitë e ngritura nga nxënësit, është një faktor tejet i rëndësishëm për të përmbushur cilësisht pritshmërinë e këtij programi dhe dhënë nxënësve dimensionin praktik të zbatimit të parimeve teorike mbi ekonominë dhe të bërit biznes.

Nëse mendoni se plotësoni kërkesat e thirrjes, ju ftojmë të dërgoni CV tuaj në adresën kompania@junior-albania.org brenda datës 15 shkurt 2022. PreviousNext