DTTI Deep Tech/AI Program – Inovacion dhe Edukim për të Ardhmen

Ndërthurja e Inteligjencës Artificiale dhe Edukimit Sipërmarrës

Deep Tech/AI Program, i zbatuar në Shqipëri nga Junior Achievement of Albania që nga Qershori 2024, është një iniciativë e re që pajis të rinjtë me aftësi dixhitale dhe inovative për të adresuar sfidat e sektorit Agri-Food.

Ky program është pjesë e një bashkëpunimi europian dhe lidhet me Kornizën e Kompetencave EIT dhe Digital Deep Tech Initiative (DDTI), duke ndihmuar të rinjtë të përgatiten për të ardhmen dixhitale dhe të qëndrueshme.


Një qasje inovative në edukim

Në qendër të programit qëndron kombinimi i Shoqërisë së Nxënësve me aftësi të avancuara në teknologjinë dixhitale. Nxënësit sfidohen të krijojnë kompani duke zgjidhur probleme konkrete në sektorin Agri-Food përmes Inteligjencës Artificiale (AI).

Qëllimi – Përgatitja e brezit të ri për një ekonomi të qëndrueshme dhe dixhitale.

Programi synon të përfshijë të rinjtë e moshës 16–25 vjeç nga:
✔ Arsimi profesional
✔ Shkollat e mesme
✔ Institucionet e arsimit të lartë

Ky projekt zbatohet në 10 vende europiane: Shqipëri, Bullgari, Çeki, Francë, Greqi, Itali, Portugali, Rumani, Spanjë dhe Ukrainë.

Qëllimet dhe Objektivat

Përfshirje dhe mundësi të barabarta – Sigurimi i aksesit të barabartë në edukim dixhital dhe zvogëlimi i hendekut të aftësive dixhitale.

Përshtatje me të ardhmen dixhitale – Përgatitja e të rinjve për një botë të udhëhequr nga teknologjia dhe Inteligjenca Artificiale.

Lidership dhe inovacion – Përforcimi i aftësive të sipërmarrjes dhe lidershipit për të adresuar sfidat në sektorin Agri-Food.

Si funksionon?

  • Përmirësimi i kurikulës – Zhvillimi i materialeve mësimore të personalizuara për Agri-Food dhe aplikimet praktike të AI.

  • Modeli “Train-the-Trainer” – Trajnime për mësuesit për të përçuar njohuritë tek nxënësit në mënyrë të qëndrueshme.

  • Platforma AI ENTR4YOUTH – Hapësirë dixhitale për shpërndarjen e materialeve mësimore dhe moduleve të standardizuara.

Përfitimet dhe Rezultatet e Programit

Pajis të rinjtë me aftësi praktike për tregun e punës së së ardhmes. Forcon njohuritë mbi Inteligjencën Artificiale dhe teknologjitë dixhitale. Përgatit një brez të ri liderësh dhe inovatorësh në sektorin Agri-Food.