Programi InnoVET vazhdon të fuqizojë të rinjtë shqiptarë, duke i pajisur ata me aftësitë e nevojshme për të pasur sukses në botën e sipërmarrjes dhe inovacionit. Në kuadër të InnoVET 2.0, u organizuan dy sesione informimi dhe disa trajnime të specializuara, duke angazhuar mbi 200 nxënës nga shkolla të ndryshme profesionale dhe gjimnaze.

Sesionet Informuese: Njohuri dhe Mundësi të Reja
Më 18 shkurt 2025, në shkollën "Sami Frashëri" në Tiranë, u mbajt sesioni i parë informues me pjesëmarrjen e 105 nxënësve.
Dy ditë më vonë, më 20 shkurt, në shkollën Teknike Profesionale Korçë, 100 nxënës morën pjesë në sesionin e dytë. Gjatë këtyre aktiviteteve u prezantuan përfitimet e InnoVET 2.0, u ndanë histori suksesi nga InnoVET 1.0 për të inkurajuar studentët në angazhim në konkurse sipërmarrese dhe inkubatorë inovacioni.

Cfarë pritet nga Trajnimet: Aftësi Praktike për Sipërmarresit e Nesërm
Përveç sesioneve informuese, disa trajnime intensive u zhvilluan për të ndihmuar studentët të thellonin aftësitë e tyre praktike:

Design Thinking (Nxitja e Ideve) në Korçë me 34 pjesëmarrës, dhe ne Tiranë me mbi 50 pjesëmarrës, i cili ndihmoi të rinjtë të kuptojnë më mirë procesin e krijimit të zgjidhjeve inovative.
Shkrimi i Raportit, ku 14 pjesëmarrës u trajnuan mbi strukturimin e dokumenteve profesionale.

Pjesëmarrja entuziaste dhe angazhimi i të rinjve në këto aktivitete tregojnë se interesi për sipërmarjen dhe inovacionin është në rritje. InnoVET 2.0 po krijon mundësi reale për studentët, duke i ndihmuar të zhvillojnë aftësi të qëndrueshme për të ardhmen e tyre profesionale.