Kompanitë e Nxënësve: Trajnime për Sipërmarrësit e Ardhshëm!

Gjatë periudhës Nëntor-Mars, u zhvilluan tre trajnime kryesore për Kompaninë e Nxënësve, me pjesëmarrjen e mbi 200 nxënësve nga 96 kompani. Dy prej tyre u organizuan online, ndërsa njëri u mbajt fizikisht, duke ofruar aftësi kyçe në sipërmarrje dhe menaxhim projektesh.

1. Design Thinking – Trajnimi i parë (Online)
Ky trajnim iu dedikua nxënësve të Kompanisë së Nxënësve dhe synoi zhvillimin e ideve të qarta dhe të qëndrueshme të biznesit. Pjesëmarrësit mësuan të analizojnë nevojat e tregut, të përshtatin idetë sipërmarrëse dhe të krijojnë zgjidhje inovative për sfidat e tyre.

2. Menaxhimi i Projekteve – Trajnimi i dytë (Online)
Ky trajnim u fokusua në planifikimin dhe zbatimin e projekteve startup, duke trajtuar objektivat SMART, menaxhimin e kohës dhe kostos, si dhe metodologjinë AGILE. Nxënësit mësuan si të shmangin rreziqet dhe të menaxhojnë projektet e tyre me efikasitet.

3. Shkrimi i Raportit – Trajnimi i tretë (Fizik)
Pjesëmarrësit u trajnuan mbi strukturën e një raporti profesional, duke përfshirë përshkrimin e kompanisë, vizionin, misionin, financat dhe strategjitë e marketingut. Ata punuan në grupe për të analizuar dhe përshtatur informacionet sipas nevojave të bizneseve të tyre.

Këto trajnime ndihmuan të rinjtë të zhvillojnë aftësi kyçe në sipërmarrje, menaxhim projektesh dhe dokumentim profesional. Me angazhimin e tyre, ata jo vetëm që fituan njohuri të reja, por edhe përmirësuan bashkëpunimin, komunikimin dhe organizimin. Ky është një hap i rëndësishëm drejt suksesit të tyre në botën e biznesit!