Mbyllëm me sukses një tjetër kapitull shumë të rëndësishëm për 20 Kompani të reja Nxënësish në Panairin Rajonal Korçë | Kompania e Nxënësve 2022!

Rreth 110 nxënës nga gjimnaze të qyteteve: Korçë, Maliq, Podgorie, Mollaj, Bilisht, Prrenjas, Librazhd, Elbasan, Gramsh dhe Berat ishin pjesë e kësaj dite të vecantë ku treguan për klientët e tyre produktet dhe shërbimet që Kompanitë e tyre të Nxenësve kanë krijuar përgjatë këtij viti.

Në kuadër të programit Kompania e Nxënësve në bashkëpunim me AADF dhe Bashkinë e Korçës, Junior Achievement zhvilloi Panairin e Dytë Rajonal për 2022, në Korçë më 13 Maj 2022. Ky Panair u mundësoi nxënësve krijimin e një hapësire ku arritën të reklamojnë/shesin produktet e tyre dhe të prezantojnë idetë e tyre të sipërmarrjes tek komuniteti, biznese e media lokale.

Falenderojmë për bashkëpunimin Bashkinë Korçë dhe TID Korça, të cilët vunë në dispozicion të nxënësve tanë, hapësirën publike për t’i afruar kështu stendat e cdo kompanie më afër me klientët e tyre.

Shihemi së shpejti në Panair Rajonal të Shkodrës!