Gjatë muajit Mars 2023, Junior Achievement of Albania ka organizuar 2 Kampe Inovacioni në Berat dhe Peshkopi. Këto kampe u organizuan për të promovuar mësimin sipërmarrës jashtë mjedisit tradicional të klasës dhe për të inkurajuar të rinjtë të zhvillojnë aftësitë e tyre dhe t'i kthejnë idetë e tyre në veprim.

Këto aktivitete mirëpritën 74 nxënës të shkollave të mesme të cilët duhej të bashkëpunonin me bashkëmoshatarët e tyre për të gjetur zgjidhje kreative e inovatore. Në fund të çdo kampi, pjesëmarrësit patën mundësinë të parashtronin idetë e tyre para një paneli gjyqtarësh, të cilët zgjodhën më të mirët bazuar në inovacionin, prezantimin dhe ndikimin e tyre të mundshëm, duke i shpërblyer me një çmim të veçantë në fund.Përveç kampeve të inovacionit, u organizua Loja e Tregtisë Ndërkombëtare, e cila mblodhi së bashku 35 Alumni të JAA.

Loja u krijua për t'u ofruar pjesëmarrësve një përvojë praktike të tregtisë ndërkombëtare dhe për të zhvilluar të kuptuarit e tyre për ekonominë globale.Një nga mësimet kryesore që pjesëmarrësit mësuan gjatë lojës ishte rëndësia e komunikimit dhe negocimit në tregtinë ndërkombëtare. Ata duhej të punonin ngushtë me shokët e tyre të skuadrës për të zhvilluar strategji efektive për të negociuar me ekipet e tjera, dhe gjithashtu duhej të ishin në gjendje të komunikonin idetë dhe propozimet e tyre në mënyrë të qartë dhe bindëse.

Të mësuarit përipërmarrjen nuk duhet të kufizohet vetëm brenda një klase, dhe këto kampe inovacioni janë dëshmi e kësaj. Duke u ofruar të rinjve përvoja praktike dhe sfida të botës reale, ata po ndihmojnë në krijimin e një brezi të ri sipërmarrësish që janë të gatshëm të përballojnë sfidat e së ardhmes.