170 studentë të 15 Fakulteteve dhe Universiteteve publike e private në Shqipëri u përfshinë gjatë muajve prill dhe maj në një tjetër trajnim të organizuar nga Junior Achievement of Albania. Studentët e përfshirë në trajnim janë pjesë e Klubeve të Debatit të ngritur nga JAA në partneritet me Universitetet respektive, 6 prej të cilave të mbështetura nga Ambasada Amerikane në Shqipëri si pjesë e projektit “3E-English-Entrepreneurship-Employability” që po zbaton JAA.Trajnimi, pjesë e një cikli trajnimesh për studentët e Klubeve të Debatit, synoi zhvillimin e njohurive dhe aftësive të studentëve në lidhje me komunikimin dhe prezantimin në publik, një komponent i rëndësishëm për ti përgatitur ata si debatues të suksesshëm.Angazhimi i studentëve në Klubet e Debatit vijon!
Identifikimin e modeleve dhe praktikave kombëtare e lokale që mundësojnë integrimin e studentëve në tregun e punës kishin si qëllim gjashtë tryezat e zhvilluara nga JA of Albania si pjesë e projektit “3E - English- Entrepreneurship – Employability" që po zbatohet me mbështetjen e Ambasadës Amerikane në Tiranë. Tryezat u zhvilluan në periudhën prill-qershor 2022 në partneritet me Universitetet "Fan S.Noli" Korçë, "Aleksandër Xhuvani" Elbasan, "Aleksandër Moisiu" Durrës, "Ismail Qemali" Vlorë dhe "Eqerem Çabej" Gjirokastër.
Pjesë e këtyre tryezave u bënë aktor të ndryshëm që kanë role e përgjegjësi në këndvështrimin e krijimit të një mjedisi mundësues që nxit punësimin e të rinjve në tërësi e stdentëve në veçanti, specifikisht Departamentet e Karrierës pranë Universiteteve përkatëse, pedagogë të universiteteve, përfaqësues nga strukturat e Bashkive respektive, Zyrave të Punës, si dhe studentë pjesë të Klubeve të Debatit. Në secilën prej tryezave modele të praktikave kombëtar e lokale u prezantuan nga ekspertë të fushës, ndërkohë studentët e pjesëmarrësit adresuan sfidat që ndeshin për ti bërë politikat kombëtare e lokale të zbatueshme për çdo student. Tryezat nxorrën në pah nevojën për të ridimensionuar rolin dhe angazhimin e Departamenteve të Karrierës në Universitete në këndvështrimin e informimit të studentëve mbi hapësirat që realisht egzistojnë për tu mundësuar një integrim të shpejtë në tregun e punës.
Jemi shumë të lumtur që mbyllëm me sukses një tjetër Panair Rajonal të programit Kompania e Nxënësve. Pas vizitave në Gjirokastër dhe Korçë, u mirëpritëm në mënyrën më të mirë të mundshme këtë herë në qytetin e bukur të Shkodrës.Rreth 97 nxënës nga gjimnaze të qyteteve: Tiranë, Shkodër, Durrës, Koplik, Kukës, Peshkopi dhe Burrel ishin pjesë e kësaj dite të vecantë ku treguan për klientët e tyre produktet dhe shërbimet që Kompanitë e tyre të Nxenësve kanë krijuar përgjatë këtij viti.Në kuadër të programit Kompania e Nxënësve në bashkëpunim me AADF dhe Bashkinë e Shkodrës, Junior Achievement zhvilloi Panairin e fundit Rajonal për 2022, në Shkodër më 27 Maj 2022. Ky Panair u mundësoi nxënësve krijimin e një hapësire ku arritën të reklamojnë/shesin produktet e tyre dhe të prezantojnë idetë e tyre të sipërmarrjes tek komuniteti, biznese e media lokale.Falenderojmë për bashkëpunimin Bashkinë Shkodër të cilët vunë në dispozicion të nxënësve tanë hapësirën publike të qytetit.Shumë shpejt do të shihemi në një tjetër panair, Panairin Kombëtar | Kompania e Nxënësve 2022!
Mbyllëm me sukses një tjetër kapitull shumë të rëndësishëm për 20 Kompani të reja Nxënësish në Panairin Rajonal Korçë | Kompania e Nxënësve 2022!
Rreth 110 nxënës nga gjimnaze të qyteteve: Korçë, Maliq, Podgorie, Mollaj, Bilisht, Prrenjas, Librazhd, Elbasan, Gramsh dhe Berat ishin pjesë e kësaj dite të vecantë ku treguan për klientët e tyre produktet dhe shërbimet që Kompanitë e tyre të Nxenësve kanë krijuar përgjatë këtij viti….
