Kemi kënaqësinë e veçantë të ndajmë një lajm që na bën krenar të gjithëve, nominimin e Junior Achievement Worldwide për Çmimin Nobel për Paqen 2022!

Junior Achievement Worldwide, pjesë e të cilit është JA of Albania, si një nga 340 zyrat e saj në 115 vende të botës, nominohet për këtë çmim pas një kontributi të gjatë e të jashtëzakonshëm për të prodhuar mirëqenie e stabilitet në botë. Duke fuqizuar të rinjtë në të gjithë kontinentet, modeli i Junior Achievement i shërben ndërtimit dhe ruajtjes së paqes, pasi u jep atyre aftësitë dhe kapacitetet për të ndërtuar shoqëri të shëndosha.

JA of Albania shpreh mirënjohjen për drejtuesit dhe mësuesit e shkollave që janë pjesë e këtij suksesi të arritur, me punën e përditshme e me cilësi për të edukuar të rinjtë për sipërmarrjen e duke u hapur kështu rrugën drejt suksesit në tregun e punësNe besojmë se ky vlerësim do të frymëzojë më tej rrjetin e JA në Shqipëri për të arritur më shumë, për të maksimizuar ndikimin tonë dhe për të ri-konfirmuar se fuqizimi dhe edukimi financiar dhe sipërmarrës i të rinjve sot është garanci për paqe e stabilitet të qëndrueshëm.Për më shumë mbi këtë nominim lexoni në: JA Worldwide Nominated for Nobel Peace Prize — JA Worldwide